elements:  Burugogorkeri baten ondorioz ekintzaile bezala definitzen gara gu. Gure lanbidea oso bokazionala da, kazetaritza eta komunikazioa lanbide bat baino gehiago balitz bezala hartzen ditugu, hau da, bizitza ulertzeko modu bat bezala. Horregatik nahi izan genuen proiektu enpresarial bat egi bihurtzea. Konturatu ginen Internetek hamaika aukera eskaintzen dituela arlo hau garatzeko, eta Community Manager baten irudiak aukera asko eskaintzen zizkiela espezializatutako pertsonei.

Zelan gogoratzen duzu garai hau? Zein eratan lagundu zintuen Zitek Programak?
Dikoin:  Gogoan dut 15 minutu baino gutxiago pasa zirela idea sortu zenetik, Zitek-era deitu eta enpresa bat sortzeko egin beharrekoak zeintzuk ziren galdetu genuenerarte. Pare bat egunetan Juan Arruerekin bildu eta proiektua aurrera ateratzeko gakoak eman zizkigun. Emandako laguntza, baina, ez zen bakarrik eraketan geratu. Martxan jartzearen ondoren kontaktua izaten jarraitu dugu eta subentzioen eskaerekin, ikastaroen gonbidapenekin, eta batez ere edozein zalantzen argitzearekin (asko sortu dira) lagundu digute.

SoC-e: Armando enpresen sorkuntzarako formazio ikastaroetara jaoten hasi zen, hala nola, Zitek Leioak eskainitako “2008-2009 Enpresaren sorkuntza eta kudeaketa Ikastarora”, eta baita Oinarri Teknologikoko enpresen sorkuntzarako jardunaldi batzuetara ere. Behin betiko bultzada elementu hauek nahastean eman zen: Zitek Bilbaoren sorkuntza gure Eskolan eta Beaz-eko tutore eta UPV/EHU-ko Zitek-eko arduradunarekin izandako hitzorduen lehenengo arrakasta, proiektura Ikerkuntza Taldeko lagunen hurbiltzea eta Mikelen etorrera, SoC-eko lehenengo enplegatua.

elements: Izugarrizko ilusio eta gogoekin, baina baita proiektu koherente eta bideragarri batean ideiak plazaratzeko sailtasunarekin. Lehenengo txanpa honetan, Zitek programak hasierako indar hori bideratzen lagundu digu. Laguntza hau da gehien baloratzen duguna: gure tutoreak, bi urteren ondoren, gure egunerokotasunean oso presente jarraitzen du.

Zein da zuen gaur eguneko egoera? Ze balantze egiten duzue zuen ekintzaile ibilbide honen inguruan?

Dikoin: Gaur egun enpresa etengabeko hazkundean dago, etorkizunean hazten jarraitzeko esperantzarekin. Enpresaren etorkizuna internazionala da, eta langileria goraka doa modu iraunkorrean. Hala ere, dena ez da arrosa kolorekoa. Pozik gaude gauzen joan etorriarekin, baina benetan gogorra izan dela eta izaten jarraitzen duela aitortu behar da. Ekipamendu berria garatzeari denbora asko eskaintzen diogu, eta askotan etsita geratzen gara gauzak lehenengoan funtzionatzen ez dutenean. Jakin badakigu bide luzea dugula aurretik, eta hobetzeko gauza asko falta direla, baina borrokan dihardugu, eta aurrera egiten jarraitzeak arrakastara eramango gaituelakoan gaude.

SoC-e: Bi urte eskasetan SoC sei ingeniarik osatzen dute, eta beraiekin sortzaileen laguntza aktiboa dute. Denbora honetan SoC-ek aurrera jarraitu du, eboluzionatzen. Gure giroko enpresekin erlazioa mantendu eta hauei egindako teknologi berrien eskaintzarekin, espazio eta aireko energia arloko hainbat sektoretan gure produktua garatu eta merkaturatzeko apustua egin dugu.

elements: Formakuntzan murgildutako bi urteren ostean heldutasun batera heldu garela uste dugu. Ikasketa hau ez da soilik gure kazetaritza ezagupenak komunikazio munduan ezartzeko behar ditugun ikastaro teknikoetan oinarritzen. Eboluzio personal eta kolektiboa da ere. Guretzako gauza sailenetarikoa betebehar komertzialak geuregan hartzea izan zen. Orain geure erritmoan barneraturik gaude, bide luzea dugu aurretik, baina talde on eta sendoa dugu, bestalde.

Zer adierazi edo irudikatzen du zuentzat Abiatu Sariak?

Dikoin: Uretan pare bat minutu murgildurik egon eta gainazalera irtetzerakoan arnasten duzun aire puxka bezala sentitzen dugu sari hau.

SoC-e: Betetzen ari garen lanari esker ona emateaz gain, egin duguna, egiten ari garena eta etorkizunean egin nahi dugunaren inguruan hausnartzeko aukera aparta izan da.

elements: Enpresa moduan hazten ikusi gaituztenen errekonozimendua. Oso garrantzitsua da guretzat, gure proiektuan sinistu izan dutenek (batzutan guk baino gehiago) eman ditugun pausuak eta ekintzaile ibilbidea bermatzea. Sari hau jasotzea beraiei betidanik izandako konfidantza bueltatzea bezala da.

Ze aurreikuspen duzue etorkizunerako? Zeintzuk dira zuen erronkak?

Dikoin: Orain gure hurrengo erronka nagusia enpresa arlo nazional zein internazionalean ezagutarazten jarraitzea da, eta baita katalogoetako ekipamenduetan salmenta bolumena areagotzea ere.

Aurreikuspenak onak dirudite, baina krisiak nondik eramango gaituen zehazki ez dakigu.

Hala ere, ezin dugu itxaroten egon, nahiago dugu bide berriak ezagutu, merkatu berriak, ezagupen arlo berriak… guzti hauetarako etorkizunean interesekoa izan daitekeen ekipamendua sortuz.

SoC-e: Internazionalizazioa da erronka nagusia. SoC-ek eskaintzen dituen produktuen bezeroak globalak dira, eta eurengana heltzen jakin eta saiatu behar da. Gaur egun “Partner” internazionalen politika bultzatzen gabiltza. Merkatuan finkatutako enpresetako bazkideak dira hauek, eta gure produktuak beraien produktuen osagarriak dira.

Saltoa emateko SoC hazi egin behar da. Modu ordenatu batean izan dadila saiatuko gara, eta parte hartzen duten alderdi guztiak gure alde egotea espero dugu.

elements: Internet zure lan tresna izatea, aplikazio eta teknologia berrien inguruko berri guztiei buruz egunean egotea ahalbidetzen du. Esfortzu handia da, baina baita oso motibagarria ere, gure motorea da eta izaten jarraitzea espero dugu. Proiektuei begira gardentasun politikoa duten eta parte hartzea bultzatzea xede duten produktuak garatzen gabiltza, instituzio publikoei zuzenduak. 2012rako erronketako bat Frantziako hegoaldean gure enpresa ezartzea da, non duela hilabete batzuk lanean hasi garen.

Zein mezu helaraztea gustatuko litzaizueke?

Dikoin: Enpresari proiektu bat sortzea buruan dutenei mezu baikorra helaraztea gustatuko litzaiguke, eta bide batez hori egitera animatzea, benetan pena merezi duelako.

Nahiz eta ondo joango den ziurtasuna izan (oso ziur egon zaitezke, baina inoiz %100ean), eta nahiz eta oso gogorra izan (oso momento gogorrak daude), gureari eusten badiogu benetan pena merezi duela uste dugu.

Kontutan izan behar dugu zentzua duen proiektu bat izatekotan, eta berau aurrera ateratzen lagunduko gaituzten pertsonak inguruan izanik, posiblea da proiektua Aurrera ateratzea, soilik jakin behar dugu zein ate jo, eta zorionez EHUn badago ate asko jotzeko aukera.

SoC-e: Ikerketa Talde batetik sortutako enpresa izanik, ikerkuntza emaitza edo“know-how”-a ezarriz, ekintza ekonomikoaren sorkuntza bidezkoa dela esan dezakegu. Ariketa hau Taldean aurkikuntza nitxo berriak aurkitzeko oso egokia da, merkatuaren berrelikatzeari esker.

elements: Zure negozio idea defendatzea eta merkatura egokitzea ez dira bateraezinak. Egoera sozio ekonomiko honek ez du aurrekaririk. Utopia hutsa da gaur egun gure gurasoek egiten zuten bezala bizitza osoa enpresa berdinean lan egiten emango dugula pentsatzea, edo unibertsitatean ikasitakoarekin nahikoa izango dugula. Gaur egungo merkatuak birrasmatzera behartzen gaitu, kontutan izan behar dugu. Hala ere gaur egungo egoera amildegira jauzi egiteko aukera ematen digu ere. Ekintzailearen mundua konplexua da, baina ordainak arlo pertsonalean handiak dira oso.

0 Azalpenak(s)